United oo kusii dhawaaneysa saxiixa Lukaku

Kooxaha Manchester United iyo Chelsea ayaa u muuqda in ay yihiin labada kooxood ee sida tooska ah ugu dagaalamaya saxiixa gool dhaliyaha kooxda Everton ee Romelu Lukaku kaas oo cadaystay in aanu Everton ku gaadhaydh hamigiisa ah in uu koobab ku guulaysto isla markaana uu Champions leaque-ga ka ciyaaro.
Chelsea ayaa markii hore u muuqatay in ay tahay kooxda Lukaku dib ugu soo celin kartay Stamford Bridge laakiin Mourinho ayaa u muuqda in uu kooxdiisii hore ee Blues ku garaacayo saxiixa xidigii uu sida sahlan Chelsea kaga diray ee Lukaku. 23 jirkan ayaa hogaaminaya gool dhalinta premier Leaque-ga oo uu 19 gool ilaa hadda ka soo dhaliyay.
Waxaa wararkii Manchester United la xidhiidhinayay Lukaku dabka ku sii shiday in wakiilka xidigan ee Mino Raiola uu soo gaadhay Hotelka ay dagan yihiin ciyaartoyda Manchester United iyo macalinkooda Mourinho ee ka hor kulanka Rostov ee Europa Leaque-ga. In wakiilka Lukaku ee Mino Raiola uu soo gaadhay Manchester ayaan cirka ku shareertay wararkii markii horeba laysla dhex marayay ee ahaa in United ay Chelsea ka dulqaadayso saxiixa Lukaku.
Wakiilka caanka ah ee Mino Raiola ayaa xagaagii la soo dhaafay Manchester United ka dilaalay soo xero galinta saddexdii ciyaartoy ee ay la soo wareegeen ee kala ah Paul Pogba, Zlatan Ibrahimovic iyo Henrikh Mkhitaryan waxayna markale United doonaysaa in Mino Raiola uu kooxdooda ka caawiyo qaabkii ay Lukaku kaga soo qaadan lahayd Everton.
Chelsea ayaa la sheegay in ay 100 milyan oo gini ku doonayso Lukaku iyo Barkley oo Everton ka wada tirsan laakiin saxiixa Lukaku ayaa haddaba u muuqda mid ay kooxaha Red Devils iyo Blues si xoogan ugu wada tartami doonaan laakiin United ayaa haysta xidhiidhka fiican ee wakiilka Lukaku ee Mino Raiola inkasta oo Lukaku uu maanka ku hayo xusuustii xumayd ee uu Mourinho u gaystay markii ay Chelsea wada joogeen taas oo Chelsea fursad kale siin karta.
Ilaa hadda ma jirto wax faah faahin dheeraad ah oo ka soo baxday kulanka uu wakiilka Mino Raiola kula jiro maamulka kooxda Manchester United, laakiin wax kasta oo ka soo kordha waxaad kula socon doontaa wararkeena danbe insha Allah.

Comments

Post a Comment

Popular posts from this blog

RASMI: Liiska Xulka Qaranka France Oo La Soo Saaray, Anthony Martial Oo Ka Mid Magacyo Waa Wayn Oo Maqan Iyo Da’yarka Aduunka Ka Yaabsaday Ee Kylian Mbappé Oo La Abaal Mariyay.

Image
Tababaraha xulka qaranka France ee Didier Deschamps ayaa soo saaray liiska xulka qarankiisa ee kulamada caalamiga ah ee dhawaan la ciyaari doono wuxuuna liiska kooxdiisa ka reebay ciyaartoy magac wayn ku leh France. Laakiin da’yarka kooxda AS Monaco ee Kylian Mbappé oo aduunka kubbada cagta kaga yaabsatay tayadiisa ayaa isaga oo 18 sano jir ah looga yeedhay xulka qaranka France. Tababaraha xulka qaranka France ee Didier Deschamps ayaan liiska xulka qarankiisa boos uga helin dhamaan xidigaha kala ah A. Lacazette , M. Sissoko,  A. Laporte,  S. Mandanda , T. Bakayoko , Morgan Schneiderlin,  K. Coman,  Anthony Martial iyo Karim Benzema oo markan la filayay in ciqaabta laga qaadayo. Tababaraha xulka qaranka France ee Didier Deschamps ayaa eedaynta badan ee loo soo jeedinayo Paul Pogba oo liiskan ku soo baxay ka difaacay wuxuuna yidhi: ” Dadku isaga ayay markasta ka hadli doonaan, anigu waxaan ku faraxsanahay bandhigiisa Manchester United”. Laakiin Kylian Mbappé uu ku soo baxay liis
Sii Akhri

Erayo Jacayl ah

Image
* Ma hayo erayo aan kugu faah-faahiyo jaceylka aan kuu qabo , maxaa yeelay waxaan haysataa qof aad qatar u ah oo wax fahmeysa xittaa aamusnaanteyda . * Maalin waliba qof ayaa la kulmaa balse waligeey ma helin qof adiga oo kale ah , waa run in dunida ay dad ka buuxaan balse ma jiro qof kula mid ah oo ku bar bareyn kara . * Ma aqaan sababta balse waan ku jeclahay , ma jecli in aan qof la wadaago wax yaabaha ii gaarka ah balse waxaan doonayaa in aan adiga kula wadaago dhamaan xasuusaha farxadeyda maxaa yeelay ma aqaan sababta balse waan ku jeclahay . * Waxaan magacaada ku qoray cirka balse dabeysha ayaa qaaday , waxaan magaacada ku qoray dhulka balse bacaadka ayaa qaaday , ka dib waxaan ku qoray qalbigeyga waligiisana waa ku qornaanayaa . * Ma ihi qof qof daciif ah , qaali adiga ayaa ah xoogeyga , inta aad adiga tahay jaceylkeyga ma jirto wax dunidaad yaal oo u ruxi kara ama i gil gil kara , waan ku jeclahay
Sii Akhri

Ayaa Guul Badan Bayern & Real?Waa Sidee Rikoorka Juve & Barca? Xaqiiqooyin Ku Saabsan Kulamada Wareega Sideed Dhamaadka Champions League.

Qore Axmed Jama AK March 17 2017 Ateltico v Leicester CityAtletico Madrid iyo Leicester labo jeer ayay isku arkeen tartamada Yurub, kooxda reer Spain ayaa badisay labadaas jeerba. Wareegii hore ee European Cup Winners Cup ee xilli ciyaareedkii 1961/62 oo ay Atletico Madrid natiijo wadareed 3-1 ku badisay iyo wareegii hore ee UEFA Cup ee xilli ciyaareedkii 1997-98 oo ay Atletico natiijo wadareed 4-2 ku badisay.Atlético waligeed guuldarro kama aysan soo gaarin koox Ingariis ah iyagoo gurigooda ku ciyaara, 10 jeer ayay kooxaha Ingariis soo dhaweeyeen shan guul iyo shan barbaro ayayna ka heleen. Laakiin 10ii kulan ee ay England booqdeenkaliya labo jeer ayay badiyeen afarjeer waa laga badiyay waxaana ay barbaro galeen afar jeer.Booqashadoodii ugu danbeysay ee England waxa ay aheyd mid guul ah iyagoo 3-1 kaga badisay Chelsea sannadii 2014 semi-finalka Champions League ka dib barbaro goolal la’aan ah oo ay lugtii hore soo galeen. Fernando Torres iyo Diego Costa oo labada kooxood u kala joo
Sii Akhri